Kjersti Toppe

Ja, Senterpartiet ønskjer ein heilskapleg gjennomgang av NAV. Det har utvikla seg stor avstand mellom kva som var formålet med NAV-reforma, og kva som har blitt praksisen.  

Senterpartiet prioriterer 3 grep: 

• Sikre at Nav kontora har minst same opningstid som rådhuset i kommunen.   
• Sikre ei bemanning med fagfolk som kan gje folk hjelp i tråd med formål og krav  
• Gje dei lokale Nav kontora ansvar og mynde til å ta avgjersler i alle midlertidige ytingar og oppfølging av arbeidsretta tiltak. 

Førstelinja i NAV må styrkes. Brukarane må få møte kvalifiserte fagfolk som har avgjerdsmynde. Ei slik styrking av dei lokale Nav kontora, betyr at fagfolk må overførast frå forvaltningseininga til Nav si førstelinje. Førstelinja må også styrkast med erfarne folk som får løns- og karriere moglegheiter i tråd med det krevjande ansvaret. Senterpartiet foreslo i budsjettet for 2021 å omprioritere 300 millionar kroner for å styrke førstelinja i Nav

Alle born lever i ein familie, stor eller liten. Familien sin tryggleik for arbeidsinntekt og/eller pensjonar/sosiale ytingar er avgjerande for at born og unge skal ha det trygt. I tillegg er bustad og gode bustadforhold avgjerande for sosial tryggleik.

Senterpartiet vil arbeide for:   

• Halde fram styrkinga av områdesatsingane for betre å utjamne ulikskapar og særlig målrette dei mot å førebyggje utanforskap og fattigdom blant born og unge.   
• Kommunane må gjevast økonomi til å sikre gode og trygge oppvekstsvilkår. Det gjev gode utviklingsmoglegheiter for alle born og bidreg til sosial mobilitet og utjamning.   
• Sikre nok og kvalifisert bemanning i skule og barnehagar og satse på fritidsaktivitetar og trygge møteplassar for barn og unge.   
• Målretta tiltak for å redusere fattigdom, hjelpe borna i utsette familiar, sikre god inkludering i samfunnet og førebygge utanforskap. 

Styrking av familiekontora og betring av ordninga med heimeassistent for familiar med behov, er viktige førebyggjande lavterskeltiltak.  
 

Senterpartiet meiner at alle born har rett til en trygg oppvekst og en god barndom. Vi vil utjamne sosiale ulikskapar og sikre gode oppvekstmiljø både i bygd og by. Vi ønskjer derfor å styrke tiltak mot barnefattigdom. Senterpartiet vil prisjustere barnetrygda og sikre at den framleis er ei universell ordning utan behovsprøving eller beskatning. I vårt alternative statsbudsjett føreslo vi å bl.a. gjeninnføre Finnmarks- og Svalbardtillegget i barnetrygda med 3840 kroner.  

Senterpartiet vil ikkje støtte rusreformutvalget og regjeringa sitt forslag til rusreform. Senterpartiet vil ha ein differensiert modell, der rusavhengige skal møtast med hjelp, ikkje straff, men der ein ikkje går inn for ei generell avkriminalisering av narkotika. Vi meiner at regjeringa sitt framlegg til rusreform går på bekostning av det førebyggjande arbeidet blant born og unge, noko vi ikkje kan akseptere. Vi trur ikkje at eit møte hos ein rådgjevande eining på kommunen sitt rådhus, er nok til å få unge vekk frå ein uheldig praksis der ein har starta å eksperimentere med narkotika. I dag kan til dømes unge inngå i konfliktrådet sitt ruskontraktsprosjekt som gjev langt betre og meir omfattande oppfølging hos hjelpeapparatet enn regjeringa sitt forslag om ei samtale hos kommunen.  Det er eit mål for Senterpartiet at narkotikabruken i Norge skal reduserast, ikkje auke. Regjeringa føreset at avkriminalisering ikkje skal auke narkotikabruken, men dette er svak vitskapleg dokumentasjon for. Folkehelseinstituttet er mellom høyringsinstansane som seier at ein ikkje kan utelukke ei auke i narkotikabruken med regjeringa sitt forslag. Rusreforma inneheld ingen forslag til auka helsehjelp for rusavhengige verken i kommunar eller i helseføretak. Det er eit stort paradoks at ei rusreform som har overskrifta frå straff til hjelp, ikkje handlar om auka hjelp og behandling.   

Senterpartiet har alternative framlegg til regjeringa si rusreform: Dok. 8: 111S (2020-2021) om at rusavhengige ikkje skal straffeforfølgjast, samt Dok. 8: 119S (2020-2021) om ei førebyggings- og behandlingsreform innan rusfeltet.